|
هاوادا قوش اؤلایدیم سنه تای - توش اؤلایدیم قانادلانیب اوچایدیق اؤخووا توش اؤلایدیم طبقه بندی: بزرگان، داغلارا عاشیق اؤلدوم گوله یاراشیق اؤلدوم بیر دردلی کرم اؤلوب ساز آلدیم عاشیق اؤلدوم طبقه بندی: بزرگان، ایسته میره م یار آغلاسین، چال تاری قوی تار آغلاسین
گول اؤیناسین خارآغلاسین، بؤغاز گولسون دارآغلاسین
قوی یئره غم پیاله سین ، سیل گؤزونون شلاله سین
آل گونشین حواله سین، شاخ قارا قوی قار آغلاسین
یار نه دن آغلاسین گه ره ک؟، بؤیون بوکولسون آی فلک
دویونجا قویمادین گوله ک، سیخ ناری قوی نار آغلاسین
خزان یئلی اسن زمــان، شخته آمان کسن زمــان
یار یاریلان کوسن زمان، کیمسه کیمیم وار آغلاسین
توزدی دوماندی فیرتانا،اؤد یاغیلیب گولوستانا
دؤنده ر اوزون شبستانا، ساغره یالوار آغلاسین
صبحه تیکیلدی گؤزلریم، داغلاری آشدی سؤزلریم
گیزلین الوودی کؤزلریم، نی اؤلدی نیزار آغلاسین
ساقی گتیر قدح لرین، سرخوش اولاق درین _ درین
سئوگی توتا کینین یئرین، کین اؤزی زار _ زار آغلاسین
دریالارا اوزان آراز، جوم درینه قالما دیاز
مرکّب اؤل سؤزلری یاز، داغ دا بولاق لار آغلاسین طبقه بندی: عاشقانه، |
|
تمام حقوق اين وبلاگ و مطالب آن متعلق به حيات نفسي مي باشد.