عزيز دوستوم مندن كوسوب اينجيدي
آيريليب ياد كيمي چيخدي ائويمدن
گئتديگي يوللاري اوت باسيب ايندي
او گئديب قالميشام حسرتينده من
نئجه نغمه قوشوم نئجه ديلله نيم
دوست گئديب اوزومه گه له بيلميرم
ائله بير اللريم يوخ اولوپ منيم
گوزومون ياشيني سيله بيلميرم
چالديغيم سازي گتيرين منه
گورسون كي چالماقدا نئجه ماهيرم
اليم ديه ن كيمي بيرجه سيمينه
تئللر هاراي چكيب قيريلار او دم
نئجه نغمه قوشوم نئجه ديلله نيم
دوست گئديب اوزومه گه له بيلميرم
ائله بير اللريم يوخ اولوپ منيم
گوزومون ياشيني سيله بيلميرم
طبقه بندی: عاشقانه،
